திரிகடுக சாதம்

என்னென்ன தேவை?

1. சுக்கு-ஒரு துண்டு
2. வெள்ளை மிளகு-2 டீஸ்பூன்
3. திப்பிலி-கால் டீஸ்பூன்
4. கறிவேப்பிலை-ஒரு கைப்பிடி
5. வெள்ளை வெங்காயம்-2
6. பூண்டு-5 பல்
7. உப்பு-தேவைக்கு
8. மஞ்சள்தூள், மசாலாத்தூள்-தலா அரை டீஸ்பூன்

எப்படிச் செய்வது?

சுக்கு, வெள்ளை மிளகு,, திப்பிலி, கறிவேப்பிலை அனைத்தையும் வறுத்து அரைத்துக்கொள்ளவும். பிறகு வாணலியில் எண்ணெய் ஊற்றி வெங்காயத்தை அரிந்து வதக்கிக் கொள்ளவும். அத்துடன் ஏற்கனவே அரைத்து வைத்திருக்கும் பொடியைச் சேர்த்து, கூடவே பூண்டு போட்டு நன்றாக வதக்கவும். உப்பு, மஞ்சள் தூள், மசாலாத்தூள் சேர்த்து மஞ்சள் வாசனை போகும் வரை எண்ணெயில் தண்ணீர் விடாமல் வதக்கிக் கொள்ளவும். இதைச் சாதத்துடன் சேர்த்துக் கலக்கவும். இதை வாரம் ஒருமுறை சாப்பிட்டால் அஜீரணக் கோளாறுகள் இருக்காது.